العلق

پڑھ اپنے رب کے نام سے جس نے پیدا کیا.

جس نے انسان کو خون کے لوتھڑے سے پیدا کیا.

تو پڑھتا ره تیرا رب بڑے کرم والا ہے.

جس نے قلم کے ذریعے (علم) سکھایا.

جس نے انسان کو وه سکھایا جسے وه نہیں جانتا تھا.

سچ مچ انسان تو آپے سے باہر ہو جاتا ہے.

اس لئے کہ وه اپنے آپ کو بے پروا (یا تونگر) سمجھتا ہے.

یقیناً لوٹنا تیرے رب کی طرف ہے.

(بھلا) اسے بھی تو نے دیکھا جو بندے کو روکتا ہے.

بھلا بتلا تو اگر وه ہدایت پر ہو.

یا پرہیز گاری کا حکم دیتا ہو.

بھلا دیکھو تو اگر یہ جھٹلاتا ہو اور منھ پھیرتا ہو تو.

کیا اس نے نہیں جانا کہ اللہ تعالیٰ اسے خوب دیکھ رہا ہے.

یقیناً اگر یہ باز نہ رہا تو ہم اس کی پیشانی کے بال پکڑ کر گھسیٹیں گے.

یہ اپنی مجلس والوں کو بلالے.

ہم بھی (دوزخ کے) پیادوں کو بلالیں گے.

خبردار! اس کا کہنا ہرگز نہ ماننا اور سجده کر اور قریب ہو جا۔